बघावित स्वप्न!

लहान मंडळी असो वा मोठी...

स्वतःसाठी असो वा इतरांसाठी...

स्वप्न तर बघतातच सगळे...

नाही कुणीच त्याविन वेगळे...

अधीर असून चालणार कसे?
उंच भरारी घेण्याचे ध्येयच असे…

बघावित  स्वप्नं , करण्यासाठी त्यांना पुरे...

होतीलच कधिनाकाधि ते स्वप्न खरे...

-वेदांती

सुंदर ते बालपण!

विसरेल कसे लहानपणीच्या पक्क्या मैत्रीला...

पावसांत भिजून आकाशात उडविणाऱ्या छत्रीला...

गड्यांसोबत खेळण्यात-मिरवण्यात जीव तो रमलेला...

बाबांना घाबरून आत येणाऱ्या आईच्या त्या कुशीला...

स्वतः रेखाटलेल्या त्या पर्वताआडच्या सूर्याला...

मस्तीत फिरवणाऱ्या आवडत्या भोवऱ्याला...

आठवतेय वारंवार घसरुन पडण्याची ती शृंखला...

तरी सुद्धा हसत उभं होण्याची निराळीच ती कला...

तसंच बिनधास्त होऊन जीवन जगायचंय मला...

अधूनमधून येणारे दुःख विसरून हसायचंय मला...

बेभान होऊन आकाशात उडायचंय मला...

सुंदर ते बालपण परत मिळवायचंय मला...

-वेदांती

सुंदर ते बालपण

असंही जगून बघायचं

खळखळून हसायचं आणि हसवायचं...
हसून जगायचं आणि क्षणात मिरवायचं...

नेहमी खुश व सकारात्मक रहायचं...
सगळ्यांनासुद्धा खूश ठेवायचं...

जे आवडतं ते सगळं करायचं...
आवडतं नाम स्मरत रहायचं...

राग आवरायला शिकायचं...
इतरांनाही समजून घ्यायचं...

असंही एकदा जगून बघायचं...
नवं काहीतरी करून बघायचं...

कोण जाणे आज आहोत वा उद्या;
आपण मात्र-
प्रत्येक क्षणात भरभरून जगायचं...
-वेदांती

हे गणराया!

तूच कर्ता नि करविता हे गणराया,
तुजविन सांग कोण करील माया...

अलौकिकतेने धन्य तुझी मूर्ती,
पसरलेली विश्वात तुझीच कीर्ति...

कृपेने तुझ्या पृथ्वी सुद्धा भावली...
आम्हावर पडू दे तुझी कृपा सावली,

नको काही आम्हास शिवाय कृपादृष्टि,

असु दे छायेत तुझ्या ही सारी सृष्टी...

-वेदांती
गणपती बाप्पा मोरया!

हे गणराया

तुझ्यासवे तुझ्याविना

क्षणोक्षणी आठवण यावी तुझी
प्रत्येक स्वप्नात भेट व्हावी तुझी

तू दिसताच एकाएकी मन हरवावे
सहवासात तुझ्या भान हरपून जावे

आतुर तुझी एक झलक बघण्यासाठी
प्रतिक्षेत मी तुझ्या एका नजरेसाठी

तुझ्याविना अप्रकाशित हे तारे
तुझ्यासवे मनोरम्य जीवन सारे

वाटे लाभो सहवास तुझा जन्मान्तरी 
व्हावा तुझा जीव माझ्याच अन्तरी

संगतीत तुझ्या फुलावी स्वप्न नवी  
गंध प्रेमाचा फुलवीत तुझीच साथ हवी
-वेदांती  

  

गर्व आहे शिक्षकांचा

प्रतिक आहेत ते सखोल ज्ञानाचे,
मार्गदर्शक ते यशस्वी जीवनाचे....

घडविणे विद्यार्थ्यांना हाच त्यांचा प्रयत्न सतत,
तयार असतात ज्यासाठी करण्यास वाटेल ती मदत....

पाया मजबूत होण्यासाठी त्यांचे दिव्य योगदान,
आहे जणू आपणास लाभलेले तेे वरदान....

जितकी सांगावी थोरवी तितकी थोडी,
चुकल्यास जे आपली खोड सुद्धा मोडी....

बालपण असो वा मोठपण,
शिक्षकांचे ऋणिच आपण सर्वजण....

आई-वडिलांपेक्षाही मोठा मान त्यांचा,
आम्हाला गर्व आहे जगातील सर्व शिक्षकांचा....

-वेदांती

गर्व आहे शिक्षकांचा

संगतीचा परिणाम

सखोल ज्ञान ही विशेषता पुस्तकाची ,
पुस्तकाला हवी साथ ती ज्ञानाची…

निर्मळ संस्कार ही विशेषता संतांची ,
संतांना हवी साथ ती संस्कारांची…

त्याप्रमाणेच
मनाला हवी आहे साथ सर्वोज्ञानाची …
नि हृदयाला हवी आहे साथ संस्कारांची …

सर्वज्ञान आणि सुसंस्कारांच्या संगतीनेच ,
पूर्ण होऊ शकते यात्रा या सुंदरमय  जीवनाची।।१।।

तेजोमय प्रकाश ही विशेषता सुर्याची ,
सूर्याला हवी साथ  ती प्रकाशाची…

सुगंधित दरवळ ही विशेषता फुलाची ,
फुलाला हवी साथ ती  सुगंधाची …

त्याप्रमाणेच
मनाला हवी आहे साथ सुविचारांची… 
नि हृदयाला हवी आहे साथ प्रेमाची…

सर्वोच्च विचार आणि प्रेमाच्या संगतीनेच ,
पूर्ण होऊ शकते यात्रा या रहस्यमय जीवनाची।।२।।

उत्कृष्ट कला ही विशेषता कलाकाराची ,
कलाकाराला हवी ती साथ कलेची … 

शांत चित्त विशेषता आनंदी हृदयाची ,
हृदयाला हवी ती साथ शांत चित्ताची …

त्याप्रमाणेच
मनाला हवी आहे साथ कलेची  …
नि हृदयाला हवी आहे साथ शांत मनाची  …

स्मित हास्य आणि शांत मन यांच्या संगतीनेच ,
सुरु ठेवावी यात्रा या आनंदमय  जीवनाची।।३।।

वेदांती

संगतीचा परिणाम

काय असते ही कविता ?

असते निव्वळ शब्दांची ठेवण ,

की एखाद्याचे दीर्घ जीवन … 

असते केवळ शब्दांचे बिछाने ,

की एखाद्याचे बिनधास्त तऱ्हाने …

असते  कुणीतरी केलेले वर्णन ,

की जणू आपणच केली आहे- 

अशी वाटणारी शब्दांची घडण … 

असते एखाद्याची निर्मळ विचारणा ,

की जणू आपल्यालाच सुचणाऱ्या कल्पना… 

कवितांतून होते भावनांची जडणघडण,

मोहक अर्थाने भारावून जातात काहीजण … 

कविता आहेच अशी संकल्पना ,

संपूर्ण जगाला जी देते अफाट प्रेरणा … 

-वेदांती

काय असते ही कविता ?

नारी नमन तुजला

तूच धरणी , तूच जननी
तूच भगिनी , तूच कारभारिणी

तूच दुर्गा , तूच भवानी
तूच जिजाई नि तूच झाशीची राणी

रणांगणात घेऊनी भाला , लढली जी प्राण ओतुनि
शिखरावरती पोहोचलेली , आहेस तू जगतोद्धारिणी

रुपे तुझी अनेक , प्रत्येक रुपात तू संपूर्ण
पाहिलेले प्रत्येक स्वप्न , करते तू  परिपूर्ण

मन तुझे ओजस्वी , विसरत नाही जे कर्तव्य
हृदय तुझे मनस्वी , तुझ्यावर अवलंबून भवितव्य

स्पर्श तुझा राजस्वी , अश्मालाही आणतो दिव्यत्व
दृष्टी तुझी तेजस्वी , निर्जीवालाही आणते देवत्व

रुपे तुझी अनेक , प्रत्येक रुपात तू संपूर्ण
खर्या आयुष्याची नटीच तू , आहे जी परिपूर्ण

-वेदांती

नारी नमन तुजला