देवा घरची फुले

मुले म्हणजे देवाघरची फुले

बेभान होऊन प्रत्येक क्षणाचा आनंद घेणारी...

प्रत्येकाच्या आयुष्यात सुगंध दरवळवणारी...

भोळी-भाबडी आणि मातापित्यांची नाजूक कळी असणारी...

पण काहींनी तर कळीला नीट उमलू सुद्धा दिले नाही...
त्या राक्षसांना त्या नाजुक कळ्यांवर इतकिशीही दया आली नाही...

कित्येक मातापित्यांची डोळे भिजली
नि भिजून कोरडीही पडली...

नको का न्याय मिळावा त्या कोमल कळ्यांना?
उमलण्याआधीच ज्यांचा जीव घेतला गेला...

असल्या मानवरूपी राक्षसांना आपणाला संपवायचे आहे...

पुन्हा नवे राक्षस तयार होणे थांबवायचे आहे...

कितीतरी कळ्या तर तुटून गेल्या उमलतानाच,

पण नव्या उमलणार् या कळ्यांना मात्र आपणाला
मोकळा श्वास घेऊ द्यायचा आहे....

-वेदांती

देवा घरची फुले